သာသနာ ငါးထောင်

                                                                        

                                                                              

        သာသနာငါးထောင်ဆိုသည်မှာ -

၁။ပဋိသမ္ဘိဒါပတ္တ (ပဋိသမ္ဘိဒါလေးပါးရသော) ရဟန္တာခေတ်တထောင်

၂။သုက္ခဝိပဿက (ဈာန်မရသော)ရဟန္တာခေတ်တစ်ထောင်

၃။အနာဂါမ် အရိယာခေတ်တစ်ထာင်

၎။သကဒါဂါမ် အရိယာခေတ်တစ်ထောင်

၅။သောတပန်အရိယာခေတ်တစ်ထောင်

      ဤသို့လျှင် ဘုရားရှင်၏ သာသနာတော်သည် အနှစ်ငါးထောင်ပတ်လုံးတည်ရှိလိမ့်မည်ဟု

(ဘိက္ခုနီခန္ဓကဝိနည်းအဌကထာ) ၌ မိန့်ဆိုတော်မှုသည်။

ဆောင်။    ။ ပ-ဆ-နာ+သ၊ သောခေတ်ပြ၊ ခန္ဓကျမ်းမိန့်ဆို။

       ထို့ပြင်  ဒီဃနိကယ် အဌကထာ၌

၁။ပဋိသမ္ဘိဒါပတ္တရဟန္တာခေတ် တစ်ထောင်

၂။အဘိညာဉ် ခြောက်ပါးနှင့် ပြည့်စုံသော ဆဌဘိည ရ န္တာခေတ် တစ်ထောင်

၃။တေဝိဇ္ဇ( ဝိဇ္ဇာသုံးပါးနှင့်ပြည့်စုံသော)ရဟန္တာခေတ် တစ်ထောင်

၎။သုက္ခဝိပဿက ရဟန္တာခေတ် တစ်ထောင်

၅။ပါတိမောက်ခေါ်(အရိယာပုဂ္ဂိုလ်မရှိ)၂၂၇သွယ်သိက္ခာပုဒ်တော်တို့ကို လုံခြုံစွာထိန်းသိမ်းစောက်ရှောက်၍နေသော ပုထုဇဉ်ရဟန်းများခေတ် တစ်ထောင်

    ဤသို့လျှင် မြတ်စွာဘုရား သာသနာတော်ကြီးသည် အနှစ်ငါးထောင်ပတ်လုံး တည်ပေလိမ့်မည်ဟု မိန့်ဆိုခဲ့လေသည်။

ဆောင်။      ။ပ-ဆ-တေ-သုက်၊ ပါ တိ မောက်  ၊ကျမ်းထုတ် ဒီဃဆို။

       

ထို့ပြင် အဂုင်္တ္တရနိကာယ် အဌကထာကြီး၌

၁။ပဋိသမ္ဘိဒါပတ္တ ရဟန္တာခေတ် အနှစ်တစ်ထောင်

၂။အဘိညာဉ် ၆-ပါးနှင်ပြည့်စုံသော ဆဠဘိညရဟန္တာခေတ် အနှစ်တစ်ထောင်

၃။အဝိဇ္ဇာသုံးပါးနှင့်ပြည့်စုံသော တေဝိဇ္ဇာ ရဟန္တာခေတ် အနှစ်တစ်ထောင်

၎။သုက္ခဝိပဿက ရဟန္တာခေတ် အနှစ်တစ်ထောင်

၅။အနာဂါမ် သကဒါဂါမ် သောတာပန်ခေတ် အနှစ်တစ်ထောင်

     ဤသို့လျှင် အနှစ်ငါးထောင်ပတ်လုံး သာသနာကြီး တည်ရှိပေလိမ့်မည်ဟု မိန့်တော်မူသည်။

ဆောင်။     ။ပ-ဆ-တေ-သုက်၊ သေက္ခထုတ်၊ သံယုတ်အဂုင်္တ္တိုရ်။

     ဤသည်တို့ကား အဌကထာအသီးသီးတို့၌ မိန့်ဆိုတော်မူကြသော သာသနာငါးထောင်ဖြစ်ပါသည်။ ထို့ပြင် ဒါနယုဂခေတ်ငါးရာ၊ သီလယုဂခေတ်ငါးရာ စသည့်ဖြင့် အခြားကျမ်းဂန်တို့၌ ရှိကြသေး၏။ ဤကဲ့သို့ အဆိုအမိန့်ကွဲပြားကြသော်လည်း သာသနာတော်ခေတ် နှစ်ငါးထောင်ဆိုသော အယူအဆမှာ တသားတည်းပင်ဖြစ်ရမည်။

ဤကဲ့သို့ အဌကတာတို့၌ သာသနာငါးထောင်ဟု ဆိုကြသော်လည်း ဘုရားရှင်၏ အလိုအားဖြင့် ဆိုရသော် သာသနာတော်ကြီးသည် ငါးထောင်မက ရှည်ကြာနိုင်ပြီး မကြာခင်နှစ်များအတွင်း၌လည်း ကွယ်ပသွားနိုင်ပါသည်။

     ဘုရားရှင်နှုတ်တော်မှဟောတော်မှုခဲ့သည်မှာ မည်ကဲ့သို့ကျင့်ကြံနေထိုင်ကြလျှင်သာသနာတော် အရှည်သဖြင့် တည်တံလိမ့်မည်။ 

မည်ကဲ့သို့နေထိုင်ကြလျှင် ဘုရားရှင်၏ သာသနာ တော်အရှည်အကြာမတည်

မကြာမီကွယ်လိမ့်မည်စသည်ဖြင့် ဟောတော်မူခဲ့ပါသည်။ပဉ္စင်္ရတ္တရနိတာယပဌမသဒ္ဓမ္မသမ္မောသသုတ်နှာ- ၁၉၆၌ ရဟန်းတို့ ဤသာသနာတော်၌ ရဟန်းတို့သည် -

၁။တရားတော်ကို ရိုိသေစွာမနာကုန်။

၂။တရားတော်ကိုရိုသေစွာ မသင်ကုန်။

                                                              
၃။တရားတော် ကိုရိုသေစွာ မဆောင်ကုန်။

၎။ဆောင်ထားသော တရားတော်တို့၏ အနက်အဓိပ္ပာယ်ကို  ရိုသေစွာ ဥာဏ်ဖြင့် မစူးစမ်း မဆင်ခြင်ကုန်။

၅။အနက်သဘောကိုသိ၍ တရားတော်ကိုသိ၍ လောကုတ္တရာ တရားအားလျော်စွာ အကျင့်ကို ရိုသေစွာ မကျင့်ကုန်.

   ရဟန်းတို့ ဤတရားငါးမျိုးသည် သူတော်ကောင်းတရားဟူသော ဘုရားရှင်၏သာသနာတော်

ပျောက်ပျက်ကွယ်ပရန်ဖြစ်ကုန်၏။

  ထို့ပြင် အဆိုပါ ပဉ္စဂုင်္တ္တရနိကာယ ဒုတိယ

သမ္မောသသုတ်  စာမျက်နှာ -၁၉၈ ၌ပင် ရဟန်းတို့

 သာသနာတော်၌ ရဟန်းတို့သည်

၁။သုတ္တဂေယျ - ဝေယျာကရိုဏ်းဂါထာ

ဣတိဝုတ် ဇာတ် သဗ္ဘူတဓမ္မ ဝေဒလ်္လဟူသော တရားတို့ကို မသင်ကုန်

၂။နာယူပြီး သင်ယူပြီးသော တရားတို့ကို အကျယ်အားဖြင့် တပါးတို့အားမဟောကြားကုန်

၃။နာယူပြီး သင်ယူပြီး သော တရားတို့ကို သူတပါးတို့အား မပို့ချကုန်

၎။နာယူပြီး သင်ယူပြီး သော တရားတို့ကို အကျဉ်းအားဖြင့် ရွတ် အံသရဇ္ဇျာယ်ခြင်း မပြုကြကုန်

၅။နာယူပြီး သင်ယူပြီးသောတရားတို့ကို စိတ်ဖြင့် အဖန်ဖန် မကြံစည်ကုန်။ ရဟန်းတို့ ဤတရားငါးမျိုးတို့သည် သူတော်ကောင်းတရားတည်းဟူသော ဘုရားသာသနာ ကွယ်ပျောက်ရန် ဖြစ်၏။

    တတိယ သဒ္ဓမ္မသမ္မောသုတ်မှာ  -၂၀၀၌ လည်း ရဟန်းတို့ မကောင်းသဖြင့် ယူအပ်သော ပါဠိတို့ကို မကောင်းသဖြင့် ယူအပ်သော ပုဒ်ဗျည်းတို့ဖြင့် သင်ကြားကုန်ခြင်း၊ မကောင်းသဖြင့် ထားအပ်သော ပုဒ်ဗျည်းအနက်သဘောကိုလည်း ခဲယဉ်းစွာ သိရ၏။

     ရဟန်းတို့နောက်တစ်မျိုးကား ရဟန်းတို့သည် အပြောရအဆိုရ ခက်ကုန်၏။ အပြောရ အဆိုရခက်ခြင်းကို ပြုတက်ကုန်သော တရားတို့နှင့်ပြည့်စုံကုန်၏။ သည်းခံခြင်းမရှိကုန် ၊ အဆုံးအမကို ရိုသေစွာမနာကုန်။

    ရဟန်းတို့ နောက်တစ်မျိုးကား အကြားမြင်များကုန် အာစုံ ပါဠိနှုတ်တိုက်ကုန် သုတ်အဘိဓမ္မာကို ဝိနည်းကို မာတိကာကိုဆောင်ကုန်သောရဟန်းတိုသည် ပါဠိတော်ကို

သူတပါးတို့အား ရိုသေစွာမပို့ချကုန်၊ ထိုရဟန်းတို့ကွယ်လွန်သာအခါ ပါဠိတော်သည် အမြစ်အရင်းပြတ်၏။ ဆောက်တည်ရာမရှိတော့ချေ စသည်ဖြင့် လည်းကောင်း။

    မဟာပရိနိဗ္ဗာနသုတ် ၁၁၆ သုတ် မဟာဝါ၌လည်း၊ ရဟန်းတို့ ငါသည် ထူးခြားသော ဥာဏ်ဖြင့်သိ၍ ဟောတော်မူအပ်သော တရားတို့ကို သင်တို့သည်ကောင်းစွာသင်ယူ၍

မှီဝဲအပ်ကုန်၏။ ၌ကဲ့သို့ သင်ယူအပ် ပွားများလေ့ကျင့်အပ်ကုန်သည်ရှိသော် ၌မြက်သောအကျင့်သာသနာတော်သည် အရှည်ခိုင်ခန့်လျက် တည်တံ့ရာ၏။

ထိုသို့အရှည်တည်တံ့ခြင်းသည် လူအများ၏ စီးပွားချမ်းသာခြင်းအလို့ငှာ လောကကိုစောင့်ရှောက်ရန်အလို့ငှာ နတ်လူတို့၏ စီးပွားချမ်းသာခြင်းအလို့ငှာဖြစ်၏။

ယင်းသို့ သင်ယူမှီဝဲပါများ အဖန်ဖန်လေ့ကျင့်အပ်ကုန်သော တရားတို့ကား သတိပဌာန်လေးပါး၊သမ္မပ္ပဓာန်လေးပါး၊ ဣဒ္ဓိပါဒ်လေးပါး၊ ဣနြေ္ဒငါးပါး၊  ဗိုလ်ငါးပါး၊

ဗောဇ္ဈင်ခုနှစ်ပါး၊ မဂ္ဂင်ရှစ်ပါးတို့ပေတည်း စသည်ဖြင့် လည်းကောင်း ဟောကြားတော်မူခဲ့ပါသည်။

  စာရှုသူ၌ဤမျှဆိုလျှင် အဌကထာဆရာတော်တို့၏ အလိုနှင့် ဘုရားရှင်၏ အလိုကို သိရှိပြီး ဖြစ်ပေပြီ။ အဌကထာဆရာတော်တို့၏ အလိုအားဖြင့် ဘုရားရှင်၏သာသနာတော်ကြီးသည် နှစ်ပေါင်း ၅၀၀၀ ( ငါးထောင်) ပြည့်လျှင် အလိုလိုကွယ်ပျောက်သွားပေမည်။

တနည်းအားဖြင့် နှစ်ပေါင်း ငါးထောင်မပြည့်မချင်း  ဘယ်တော့မှ သာသနာမကွယ်နိုင်ဟု

ယူဆရန်ဖြစ်ပါသည်။

    ဘုရားရှင်၏အလိုမှာ  ဤသို့မဟုတ်ပါလေ ၊ ဘုရားရှင် ဟောကြားညွန်ပြသည့်အတိုင်း ၇ဟန်းရှင်လူလိုက်နာကျင့်ကြံနေထိုင်ကြပါလျှင် သူတော်ကောင်းတရားတည်းဟူသော

ဘုရားရှင်၏ သာသနာတော်ကြီးသည် နှစ်ပေါင်း ငါးထောင်မက ငါးသောင်းမက တည်ပေလိမ့်မည်။ ဟောကြားညွန်ပြသည့်အတိုင်း မလိုက်နာ မကျင့်ကြံပဲနေလျှင်  ငါးထောင်မဟုတ် ငါးရာ (သို့မဟုတ်) ငါးဆယ်တည်ချင်မှ တည်ပေလိမ့်မည်။

    သာသနာတော်ကြီးမကွယ်ပျောက်စေရန် ကယ်ဆယ်ဖို့နည်းလမ်းတစ်ခုတည်းသာရှိသည်။

၎င်းမှာ အခြားမဟုတ် ပရိယတ္တိတည်းဟူသော စာပေသင်ကြားပို့ချမှုပင် ဖြစ်ပါသည်။ ဤနည်းလမ်းမှ အခြားသော နည်းလမ်းမရှိပါ။ ထို့ကြောင့် သံဃာတော်အရှင်မြတ်များအားသိစေလိုသည်မှာ သူတော်ကောင်းတရားတည်းဟူသော ဘုရားရှင်၏ သာသနာတော်ကြီးမကွယ်ပျောက်စေရန်ပရိယတ္တိသာသနာတော်ကြီး စည်ပင်ပြန့်ပွားအောင် ကြိုးစားဆောင်ရွက်တော်မူကြ၍ စတုပစ္စယဒါယကာ

ဒါယိကာမအပေါင်းတို့ကလည်း ပရိယတ္တိစာသင်စာချ ဆရာတော်တို့အား ချီးမြှောက်ထောက်ပံကြပါရန် တိုက်တွန်း၇င်း နိဂုံးချုပ်အပ်ပါသည်။

ဆရာတော်ဦးအာစရ(အဂ္ဂမဟာပဏ္ဍိတ၊နိုင်ငံတော်သံဃမဟာနာယက)

မကျည်းကုန်းကျောင်း၊ဝန်းသိုမြို့နယ်၊

စစ်ကိုင်းတိုင်း

္ပဤဆောင်းပါးကို ဝန်းသိုမြို့ခန္တီးပရိယတ္တိစာသင်တိုက်(၇၅)နှစ်ပြည့်စိန်ရတုရွှေဝန်းရတနာမဂ္ဂဇင်းမှကူးယူဖေါ်ပြပါသည်။

ရောက်လာသူအပေါင်းရွှင်လန်းချမ်းမြေ့ကြပါစေ..ရွှေဝန်းရတနာ.(၂၇.၁၂.၁၁)..အင်္ဂါနေ့

EMAIL.ashinvimala2009@gmail.com

               

ငယ်ချစ်ဦးသို့အလွမ်းပြေ

 

    မိုးစက်လေးတွေတဖွှဲဖွှဲကျနေတယ်။ လေရူးကတစ်ချက်တစ်ချက်ဝှေ့လို့ မိုးစက် မိုးမှုန့်လေးတွေ လွင့်ကြဲနေကြတယ်။ ခေါက်ရိုးကျိုးနေပြီဖြစ်တဲ့ ငါ့ရဲ့ ထီးပတ်ပတ်လည်က  မိုးစက်တွေ တိုးဝှေ့ဝင်လာကြတယ်။ လွင့်ကြဲနေတဲ့ မိုးစက် မိုးဖွှဲလေးတွေက ခန္တာကိုယ်အောက်ပိုင်းဆီကို ပက်ဖျန်းနေကြတယ်။ ပြူတ်လုမတက်ဖြစ်နေတဲ့ ခေါင်တိုင်ဆီကလဲ ပုလဲပွင့်လေးတွေလို ဟီင်္းလေးခိုဆင်လာတဲ့ မိုးမင်းသားလေးကိုလှမ်းမြင်နေရတယ်။

     ငါ့ရဲ့ခန္တာမိုးစိုမှာထက်  နင်ရဲ့ကိုယ်လုံးလေးကို မိုးဖုံးသွားမှာစိုးလို့ ဖက်လိုက်တာ အမောပါပဲ။ သည်တုန်းက နင်ကတော့ ဘာမှမသိသလိုပဲ။ ငါ့ရင်ခွင်ထဲကနေပြီး မိုးစိုနေတဲ့ ငါအဖြစ်ကိုရယ်များနေမလားပဲ။

    နင့်ခန္တာကိုယ်ကို မိုးတစ်စက်များ ကျခဲ့လို့လား..ပြောလေ။

    နင့်အသားနဲ့ ငါအသား ထိတွေ့ထားတဲ့နေရာကို              အခုစမ်းကြည့်တောင်ပူနွေးနွေးပဲရှိသေးတယ်………..

       လောကမှာ အချစ်ဆုံးဟာ မိမိခန္တာကိုယ်ပဲလို့တချို့ကပြောကြတယ်။ ဒါကိုတော့ ငါကလုံးဝလက်မခံနိုင်ဘူး။ ဘာပြုလို့လဲဆိုတော့ ငါ့ရဲ့အချစ်ဆုံးဟာ နင်ဖြစ်နေလို့ပဲ။

      ခုပဲကြည့်ဟယ်…။ ဖွှဲရက သည်းလာပြီ၊ အမှုန်အဖွှဲကနေ အစိုင်အခဲလိုဖြစ်လာပြီ ။

တချက်တချက်လေပင့်လို့ ယိုင်ထွက်သွားတဲ့ ထီးကြောင့် ငါ့တစ်ကိုယ်လုံး မိုးဖုံးမတက်ဖြစ်နေပြီ။

     သည်တုန်းက နှင့်ခန္တာကိုယ်ကို မိုးတစက်များကျခဲ့လို့လား… ပြောလေ။ နင့်အသားနဲ့ ငါ့အသားထိတွေ့ထားတဲ့နေရာကို အခု စမ်းကြည့်တောင် ပူနွေးနွေးလေးပဲရှိသေးတယ်။ နင်ခန္တာကိုယ်က နည်းနည်းကြီးနေလို့သာ။ ငုံလို့များရမယ်ဆိုရင် ငါငုံထားပါတယ်။ သူများတွေရွံချင်ရွံမယ်၊ ငါကတော့ မရွံပေါင်။ ဘာပြူလို့လဲသိလား…။ မသိရင်မှတ်ထား… “ချစ်လို့ဟေ့ ချစ်လို့”

       နောက်ပြီး နင်ကတစ်မျိုးပဲ.. အင်မတန်စိတ်ကောက်တတ်တယ်။ ငါတခါတခါစိတ်ဆိုးလို့ မခေါ်ပဲနေရင် နင်ကပြန်ခေါ်တယ်လို့မရှိဘူး။ ငါကချည်းပဲ ပြန်ခေါ်ရတာမှတ်မိတယ်မဟုတ်လား။ တခါတလေ ငါစိတ်ဆိုးဆိုးနဲ့ ပစ်ထားခဲ့ရင် နင်က စိတ်ကောက်ပြီး နေခဲ့ရော။ ငါစိတ်ဆိုးပြေလို့ လိုက်လာရင်လဲ နင်ကဘယ်မှမသွားပဲနေနိုင်တာကို အံ့ရော..။

     ဒါပေမယ့် နင်ကတော့ အရင်စ လို့မခေါ်ဘူး။ ငါကပဲချော့ရပြန်ရော။ နင်ခဏခဏစိတ်ကောက်တတ်လို့  ငါနာမည်တစ်ခု ပေးထားသေးတယ်။  ‘မိကောက်’ လို့လေ။

         ဟုတ်တယ်…. နင်ဟာ နာမည်နဲ့လိုက်အောင် သိပ်ကောက်တက်တယ်။ နင့်အပေါ်ဂရုမစိုက်ရင် ငါ့ကိုလဲပြန်ပြီးဂရုမစိုက်တော့ဘူး။ နင့်အင်္ကျီလေးတွေစုတ်ပြဲနေတုန်းက  ငါအသစ်ဝယ်ပေးလိုက်တော့ နင်ကလူကြားထဲတကြွကြွလုပ်လိုက်သေးတယ်။ အင်္ကျီသစ်လေးဟောင်းသွားပြန်တော့  ငါဆီညိုမဲ့မဲ့နဲ့ အပူကပ်ပြန်တာပဲ မဟုတ်လား…။

           နင်ဟာ  ငါရဲ့ အချစ်ဦး… ငါ့ရဲ့ ငယ်ချစ်… ငါသေတောင်……

  အေးလေး နင်ကတို့ကျောင်းလူတွေအားလုံးနဲ့ဆက်ဆံနေရတော့ လှချင်မှာပေါ့။ နင့်ကိုချစ်တဲ့ လူတွေတော့အများကြီးပဲ။ နင်ကပြန်ပြီးဂရုစိုက်ခံရတဲ့သူဆိုရင် တို့ကျောင်းမှာတော့ “ စူပါစတား” ပဲ…။

  အားလုံးထဲ  နင့်ရဲ့ဂရုစိုက်ခံရတာတော့ ငါပဲ..။ ငါ့ကိုယ်ငါ သိဒ္ဓိတင်ပြောနေတာတော့ မဟုတ်ဘူး။ပတ်ဝန်းကျင်ကလဲ အသိအမှတ်ပြူထားကြတယ်လေ။ ဘာပြူလို့လဲဆိုတော့ နင်နဲ့ငါသိပ်ပြီး အတွဲညီတာပဲတဲ့။ သိပ်ပြီးလိုက်ဖက်ညီသတဲလေ။ အေးလေ.. လိုက်ဖက်မှာပေါ့ ၊ နင်နဲ့  ငါနဲ့က တစ်ယောက်နဲ့တစ်ယောက် သိပ်ပြီးဂရုစိုက်ကြတာကိုး….။

    တို့ကျောင်းမှာနေစဉ်က ငါအင်မတန်ကျန်းမာရေးညံ့တယ်။ တခါတလေ ငှက်ဖျားမိတယ်။ တုပ်ကွေးတခါတရံဖြစ်တတ်တယ် ။ အနာအဆာလေးတွေလဲဖြစ်တတ်သေးတယ်။ ငါနေမကောင်းဖြစ်ရင်  နင်ကတော့ ငါနားကတစ်ဖဝါးမှ မခွာတော့ဘူး။ ငါ့ကိုအမြဲတမ်းစိုက်ကြည့်နေတော့တာပဲ..။ ဘယ်ကိုမှလဲမသွားတော့ဘူး မဟုတ်လား။

      ငါနေမကောင်းပေမယ့် နင်စိတ်မချမ်းမသာဖြစ်နေမှာစိုးလို့ ငါကပဲ နင့်ကိုဒိုင်ခံပြီး  စကားပြောနေရသေးတယ်။ နင့်နဲ့စကားပြောတာကို သူငယ်ချင်းတွေက ချောင်းနားထောင်ကြပြီး “သိပ်ကဲတဲ့အတွဲပဲ” လို့ လှောင်ကြသေးတယ်။  နင်မှတ်မိတယ်မဟုတ်လား။ ဆရာတွေကတော့ နင်နဲ့ ငါစကားပြောနေတာကိုကြည့်ပြီး ကျန်းမာရေးမကောင်းတဲကအခါမှာ အစားအသောက်ဆင်ခြင်ဖို့ရယ် .. နင့်နဲ့ စကားပြောတာကိုလျှော့ပြောဖို့ရယ်   လာပြီးသတိပေးကြတယ်။ ဆူတာတော့မဟုတ်ဘူး။ ကျန်းမာရေးပိုဆိုးသွားမှာစိုးလို့ သတိပေးတာပါ။

     ဘာပဲဖြစ်ဖြစ်  နင်ကတော့ ငါဂရုတစိုက်ရှိနေတယ်ဆိုရင် ပျော်နေတာပဲမဟုတ်လား။ 

           နင်က အသက်ကြီးပေမဲ့ ခုထိအလှမပျက်သေးဘူး။။။

           နံ့သာမလိမ်းပေမယ့် မွှေးတုံး… ပန်းမပန်ပေမဲ့  လှတုံး……

  ငါလည်းဒီကျောင်းရောက်ရောက်ခြင်းနင်နဲ့အရင်ဦးဆုံးစတွေ့ခဲ့ရလို့ ငါရဲ့”အချစ်ဦး”လို့ဘဲသတ်မှတ်ခဲ့တယ်။

ငါရဲ့အချစ်ဦးဟာ နင်ဖြစ်ပေမယ့်၊နင်ရဲ့အချစ်ဦးဟာ ငါမဟုတ်ဖူးဆိုတာတဖြည်းဖြည်းသိလာရတယ်။နင့်မှာချစ်သူတွေတောင်ပုံရာပုံရှိခဲ့တာတွေ 

ငါနောက်တော့သိလာရတယ်။ ပထမတော့ ငါ နင့်ကိုစိတ်ဆိုးမိသေးတယ်။စောစောက ငါ မင်းကို မေးးခဲ့သားပဲ။ “ ငါ့ကိုချစ်ခဲ့သူတွေများလွန်းလို့ ချစ်ဦးဆိုတာ ဘယ်သူလည်း မပြောတက်ဘူး “ လို့ ဆိုတုန်းက ငါနင့်စိတ်ဆိုးမိသေးတယ်။ ချစ်သူတွေကို ဒီလောက်များများစားစား ထားရသလားဆိုပြီး  ငါအံ့သြမိခဲ့သေးတယ်။

    ခုတော့ ငါတဖြည်းဖြည်းသဘောပေါက်ခဲ့ပါပြီ။ နင့်ကိုချစ်တဲ့သူတွေ သိပ်များပေမယ့်် နင့်ရဲ့ဂရုစိုက်မှုကို ရခဲ့တဲ့သူကတော့ နည်းပါတယ်။ နင့်ရဲ့ စိတ်သဘောထားကို နားမလည်တဲ့သူတွေများပါတယ်။နင့်နဲ့မပြေလည်တဲ့သူတွေဆိုရင် ဆရာတွေကလဲ သိပ်ဆူတာပဲ။ “ ဒီကျောင်းရောက်လာရင် နင့်နဲ့မပြေလည်လို့မဖြစ်ဘူး” တဲ့။ ဒီကျောင်းမှာတော့နင့်က ဇါတ်လိုက်ပဲ။ နင့်ကိုဖက်ပြိုင်နိုင်တဲ့သူရှားတယ်။

    နင်ကတကယ်တော့ လှလေခက်လေဆိုတဲ့သူဖြစ်နေပြီ..။ ငါကတော့ နင့်ပေါ်ဂရုစိုက်နိုင်လွန်းလို့ ပြေလည်ခဲ့ကြတယ်။ ဆရာတွေကလည်း နင်နဲ့ ပြေလည်နေတာကိုကြည့်ပြီး ပီတိဖြစ်နေကြတယ်။

      ဆရာ့ဆီစာတက်သွားတဲ့အခါ နင့်အကြောင်းတွေကိုမကြာခဏမေးတယ်။ ကျောင်းကလူတွေကိုမေးတဲ့အခါ သူတို့မဖြေနိုင်ကြတာကများတယ်။ တချို့လည်းဖြေတော့ဖြေတယ်။ အတိအကျသိလို့တော့ မဟုတ်ဘူး။ သူတို့မဖြေနိုင်ရင် သူငယ်ချင်းတွေရဲ့မျက်လုံးအစုံဟာ ကိုယ့်ဆီ ရစ်ဝဲလာကြတယ်။ အကူညီတောင်းခံတဲ့ သဘောပေါ့။

     ဆရာကလည်း အကြောင်းသိတယ်။ နင်နဲ့ငါတတွဲတွဲဖြစ်နေတာဆိုတော့ မေးလိုက်တာနဲ့ဒက်ကနဲဖြေလိုက်နိုင်တာပဲမဟုတ်လား။ မဖြေနိုင်ပဲနေမလား  နင့်နဲ့ ငါနဲ့တွဲနေတာ ခု မှမဟုတ်တော့ပဲ။  နင့်အကြောင်းဆိုရင်  ငါကခရေစေ့တွင်းကျလေ့လာထားတယ်။ နင်ဟာ ငါ့ရဲ့အချစ်ဦး ။ ငါရဲ့ ငယ်ချစ်။ ငါသေတောင် နင့်ကိုဖက်ပြီးသေမှာ။ဘာလဲနင်ကမယုံလို့လား…….မယုံရင်ကြည့်နေ။ ငါက နင့်ကိုအဲလောက်ကိုမြက်နိုးတာ။

    ဒါလောက်ဆို ငါနင့်ကို ဘယ်လောက်ချစ်တယ်တွယ်တာတယ်ဆိုတာ နင်သိဖို့ကောင်းပါတယ်နော်။ တခါတလေ  ဆရာကမေးလို့မဖြေနိုင်ရင် နင်က နှုတ်ခမ်းကြီးတစူစူနဲ့ ၊ နည်းနည်းပါးပါး ဖေးကူမပြီးမကူညီတက်ဘူး၊ နင့်အကြောင်း

ငါသိသလောက်တော့လေ့လာထားတာပဲ။ နင်နဲ့ပတ်သက်လာတဲ့  ပြဿနာတွေက ဝင်္ကပါလိုကွေ့ကောက်တယ်။ ပင့်ကူအိမ်လို ရှုပ်ထွေးတယ်။သမုဒ္ဒရာလို နက်နဲတယ်။ ကောင်းကင်လို ကျယ်ပြန့်တယ်။ အို… ပုံစံ ဥပမာတွေခိုင်းရနှိုင်းရရင်အများကြီးပါပဲ။

                           မေယုစုတ်တံချီ ဘယ်ပန်းချီရေးလို့မမိ….ပေါ့။

    ဒါပေမယ့်.. ငါသိသလောက်ပြောရရင် နင်ဟာ အသံသိပ်ကောင်းတယ်။ နင့်ရဲ့အသံဟာ

လူတိုင်းကိုလှုပ်ခါသွားစေတယ်။ ဆည်းလည်းသံလိုပဲ။ နားထောင်ပြီးရင်းနားထောင်ချင်ရင်းပဲ။

လူတိုင်းမှာနားနှစ်ဘက်ရှိတယ်။ နားရှိတဲ့သူတိုင်းဟာ နင်သံကို မကြားရမနေနိုင်ဘူး။ နင့်အသံနဲ့ ကင်းပြီး အသက်ရှင်နေနိုင်တဲ့ သူဟာရှားပါတယ်။ လူသားအားလုံးရဲ့ စားမှု၊ သောက်မှု ၊ နေမှု၊ လှုပ်ရှားမှု၊ မှန်သမျှ  နင်နဲ့ပတ်သက်နေတာကြီးပဲ..။

  တချို့က နင့်ကိုမုန်းသွားကြတာတွေလည်းရှိတယ်။ နင်ဟာမရိုးသားဘူး ၊ ကောက်ကျစ်တယ် ဝင်္ကဘာဆန်တယ်၊ လှည့်စားလွန်းတယ်လို့  ဆိုပြီးလမ်းခွဲ သွားသူတွေလည်းရှိတယ်။

      အမှန်တော့ သူတို့ နင့်အကြောင်းကိုသေသေချာချာမလေ့လာကြလို့ပါ။ နင့်ကိုအပေါ်ယံကြောလေ့လာသုံးသပ်ပြီး ကောက်ချက်ချတဲ့စကားတွေပါ။ ဒါတွေကို နင်ဘာမှတွေးတောမနေနဲ့ ၊ စဉ်းစားမနေနဲ့။ အမှန်တရားဆိုတာပန်းကန်ပြားနဲ့ ဖုံးကွယ်လို့မရစကောင်းဘူး မဟုတ်လား။

      အေးလေဘယ်သူတွေဘာပြောပြော ငါကတော့ နင့်ရဲ့နှင်းဆီလွှာနှုတ်ခမ်းလေးတွေကို

ထာဝရမြတ်နိုးတွယ်တာနေမှာပါ။ ဆည်းလည်းသံလို ချိုလွင်တဲ့နင့်ရဲ့  အသံလေးတွေကိုထာဝရခံယူ ထွေးပိုက်ထားမှာပါ။

      နင့်ရဲ့အချစ်ဦးဟာ ငါမဟုတ်ပေမယ့် ငါရဲ့အချစ်ဦးဟာ နင်ပဲဆိုတာတော့ နင်သိထားရင် ငါကျေနပ်တယ်။ 

      ဒါနဲ့ မေးရအုံးမယ်။ နင့် ဖေဖေက ဘယ်သူလဲ၊ ဘယ်မြို့ကလဲ ၊  နင့်မေမေကရော ၊ ငါအမေးမြန်းထူတာနဲ့ နင်ကစိတ်ကောက်မနေနဲ့အုံး။  နင်နဲ့ ငါနဲ့ ဒီနေရာမှာ တွေ့ကြပေမယ့်  တစ်ယောက်အကြောင်းတစ်ယောက် ဘာမှ သိကြသေးတာမှ မဟုတ်ပဲ။ ငါ သူငယ်ချင်းတွေက နင့်ဇာတိကို မေးရင် ငါဘယ်လိုပြောရမလဲ။ 

     သည်တော့မှ နင်ကပြောပြတယ်။ ဇာတိက  ဥဇ္ဇနီပြည်တဲ့။ အဖေက တိရိဋိဝစ္ဆပုဏ္ဏားတဲ့။

အမေကတော့ ဘဒ္ဒပရမ ပုဏ္ဏေးမ ဆိုပါလား။ ဒါကြောင့်ငါထင်သားပဲ နင့်ရဲ့ အသံဟာ တခါတလေတော့ ခပ်ဝဲဝဲပါလို့ ။ ကဲ ဆက်ပါအုံး။

     “ အမေနဲ့ အဖေ သင့်မြတ်ကြလို့ ရွှေအဆင်းနဲ့တူတဲ့ သားလေးတစ်ယောက်မွေးလာတယ်”  တဲ့။ ဒါကြောင့် “ ကစ္စာန” လို့ မှည့်ကြသတဲ့လေ။ နောက်အရွယ်ရောက်လာတော့  ဥဇ္ဇောတမင်းရဲ့ ပရောဟိတ်ဖြစ်လာတယ်တဲ့။

       ဟယ်… နေစမ်းပါအုံး။ နင့်အဖေနဲ့ အမေက ပုဏ္ဏားနဲ့ ပုဏ္ဏေးမ၊ သားက ကစ္စာန။ ဒါဆိုနင်ကဘယ်လိုဖြစ်လာတာလဲ ။ငါတော့ ဦးနှောက်ရှုပ်ကုန်ပြီ။ သည်တော့နင်ကရယ်တယ်။ သိလဲသိပဲနဲ့ဆိုတဲ့သဘော။ ကဲ.. နင်ပြောမှာသာပြောဆိုတော့မှ

နင့် နှုတ်ခမ်းနှစ်လွှာ   ကပွင့်လာတယ်။ 

    ပုရောဟိတ်ဖြစ်ပြီးတဲ့နောက်  တောထွက်ရဟန်းပြုလို့ အာသဝေါကုန်ခမ်းတဲ့ ရဟန္တာဖြစ်သွား တယ်ဆိုပါလား။ ရဟန္တာဖြစ်ပြီးတော့မှ နင့်ကိုမွေးတာတဲ့။

      “ ဟဲ.. ဟဲ  … ဘယ်လိုတုံး ၊ ရဟန္တာဖြစ်ပါပြီဆိုမှ နင့်ကိုမွေးရဦးမှာလား”  ဆိုတော့ နင်ကမဲ့တယ်။ 

          စကားမဆုံးသေးဘူး၊ အသာနေဆိုတဲ့သဘောပေါ့။

      ရဟန္တာဖြစ်သွားတော့မှမြတ်စွာဘုရားရွှေနှုပ်တော်က ထုပ်ဖော်ဟောကြားလိုက်တဲ့”အတ္ထော ဘိက္ခဝေ အက္ခရသညာတော”ဆိုတဲ့စကားတော်ကိုဥာဏ်မဟော်နဲ့ပိုင်းခြားပြီ “ခင်သဒ္ဒါ”လိုအမည်ရတဲ့ နင့်ကို ဝစီနှုတ်က မွေးထုတ်လိုက်တာဆိုပါလား။

    သြော်….. လက်စသတ်တော့ နင်က ဘုရားရှင်လက်ထက်တော်တုန်းက အကျဉ်းကို အကျယ်ဟောတဲ့နေရာ ဧတဒဂ်ဘွဲ့ထူး ရရှိတော်မူခဲ့တဲ့ ရှင်မဟာကစ္စည်း မထေရ်မြတ်ရဲသမီးချောလေးကိုး။ အဖေကရွှေလိုချောခဲ့တော့ ဝစီဒေဝီဖြစ်တဲ့ နင့်အသံလေးတွေ လူသားတိုင်းကို နားဝင်ပီယံဖြစ်စေခဲ့တာပေါ့နော်။

 ဘုရားရှင်လက်ထက်တော်တုန်းကချည်းနဲ့ဆိုတော့ နင့်ကိုကြင်သူမြတ်နိုးခဲ့သူတွေဟာ တပုံကြီးပါလား။ငါက ခုမှစတွေ့ချစ်ခဲ့ရတဲ့သူ။ငါရဲ့အချစ်ဦးဟာနင်ဆိုပေမယ့် နင့်ရဲ့အချစ်ဦးဟာ ငါမဟုတ်ဖူးဆိုတာ ခုမှသဘောပေါက်တော့တယ်။

     ကြာတော့လဲ ကြာခဲ့ပါပြီ။နင်နဲ့ငါနဲ့ ချစ်သက်တမ်းက အနှစ် ၂၀ နီးပါးရှိခဲ့ပြီ။နင်မရှိယင် ငါနေလိုမရပါဘူး။ နင့်ကိုငါအမြဲဂရုစိုက်နေရတယ်။ နင့်ကိုလက်လွတ်လိုက်ယင် ငါလုပ်သမျှတွေဟာ အလွှဲလွှဲအချော်ချော်ပဲ။

                      ဟော….မိုးတွေတဖွဲ့ဖွဲ့ကျလာပြီ။

  

အရင်ကဆိုနင့်ကို ငါခန္ဓာကိုယ်နဲ့ ထိတွေ့ဖက်တွယ်ခဲ့ရတယ်။ခုတော့နင့်ခန္ဓာကိုယ်လေးကို ငါမထိတွေ့ရတော့ဘူး။ထိတွေ့စရာလဲမလိုတော့ဘူးလေ။ ဘာပြုလိုလဲဆိုတော့ နင်က ငါရဲ့ ဦးနှောက်၊ ငါရဲ့အသည်းနှလုံးတွေဆီမှာ ရောက်နေကြပြီမဟုတ်လား။ ထီးမိုးနေစရာမှ မလိုတော့ပဲ။

မိုးတဖွဲဖွဲကျလာတော့ ဟိုလွန်ခဲ့တဲ့ အနှစ် ၂၀ ကျော်က ငါနဲ့ နင်ရဲ့ ချစ်ဇာတ်လမ်းလေးတွေကို ပြေး မြင်နေမိတယ်။ အချစ်ဆိုတာဟောင်းလေသစ်လေပဲထင်ပါရဲ့ကွယ်။အသက်ကလေးထောက် အရွယ်ကလေးရောက်လာပြီဆိုပေမယ့် ငယ်ချစ်ဦးကိုတော့မမေ့ဘူးဆိုတဲ့သင်္ကေတလေးတွေက အမြဲတမ်းထင်ဟပ်လာကြတယ်။နင့်ရဲ့ ဆည်းလည်းသံလို လွင်စာစာအသံလေးကို ငါ့ရဲ့အသက်နဲ့ခန္ဓာတည်ရှိသရွေ့ ထာဝရစောင့်ထိန်းသွားရမှာပါကွယ်။

                                                  မိုးတွေတဖြည်းဖြည်း သည်းလာကြပြိ

     ဟိုဘက်ကျောင်းက ကိုရင်ပေါက်စလေးတွေ နင့်ကိုကျီစယ်နေကြတဲ့အသံကိုငါကြားနေရတယ်။ ငါကိုများလှောင်နေရော့သလား ဆိုပြီး တွေးလိုက်မိသေးတယ်။ အယင်ကအဖြစ်တွေက ဆွေးမပြေဖို့ ဖန်လာတာပဲထင်ပါရဲ့လေ။ငါငယ်ငယ်တုန်းက နင့်ကိုချစ်ခဲ့တာ သူတို့လိုပါပဲ။နင်က အသက်ကြီးပေမယ့် ခုထိအလှမပျက်သေးဘူး။နံ့သာမလိမ်းပေမယ့် မွှေးတုန်း၊ပန်းမပန်ပေမယ့် လှတုန်း။နင့်ရဲ့ဘဝ ထာဝရလှပစွာနဲ့ နှစ်ပေါင်း ၅၀၀၀ တိုင် ရှည်ကြာတည်တံ့ မွှေးရနံ့တွေ ထုံဝေနေပါစေဆိုတာ ငါဆုတောင်းလိုက်ပါတယ်။

                             “အတ္ထော အက္ခရသညာတော။

                              အက္ခရာပါဒယော ဧကစတ္တာလီသံ။

                              ………………………………………….”

နင့်အလှအပရဲ့ အဆင်းတန်ဆာ ဒွာဒရာသံလေးတွေ လှုပ်ခတ်သံကြားရတိုင်း လွန်ခဲ့တဲ့ အနှစ် ၂၀ ဝန်းကျင်က နင်နဲ့ငါစတွေ့ခဲ့တာလေးတွေ တရေးရေးမြင်ယောင်လာမိတယ်။ကြာတော့လဲကြာခဲ့ပါပြီ။ မိုးရေထဲမှာ၊မိုးစက်တွေထဲမှာ၊ နှင်းပွင့်လေးတွေ ကြားမှာ၊ ဥသြငှက်ရဲ့ ခွန်းဆက်တေသံလေးကြားကဝါးရုံရိပ်မှာ၊စွယ်တော်ရိပ်မှာ၊ပိတောက်ရိပ်မှာ၊ကုက္ကိုးရိပ်မှာ၊

ရင်မှာလှုိုင်းထချစ်ခဲ့ရတဲ့ ချစ်ဇာတ်လမ်းလေးတွေကိုပြန်ပြောင်းပြောပြရမယ်ဆိုယင် မိုးစက်ခလေးတွေကမဲ့လိမ့်မယ်၊နှင်းပွင့်လေးတွေကရွဲ့ကြလိမ့်မယ်၊ဥသြငှက်လေးတွေကကဲ့ရဲ့

ကြလိမ့်မယ်။အချစ်ဆိုတာရင်ထဲမှာဘဲ ထာဝရသိမ်းဆည်းထား တာအကောင်းဆုံပါပဲလေ။

မိုးစက်မိုးပွင့်လေးတွေကျလာတော့ နင့်အကြောင်းကို ငါမတွေးပဲ မနေနိုင်ပြန်တော့ဘူး။မဆွေးဘဲမနေနိုင်ပြန်တော့ဘူး။ သည်တော့အတွေးရိပ်နဲ့ အဆွေးစိတ်တွေသက်သာပါစေတော့လို့ တိုငယ်ငယ်ကအကြောင်းတွေကို နင့်ဆီစာရေးလိုက်တာပဲ၊ငါသိပါတယ်။နင်ကတော့စာပြန်မှာမဟုတ်ပါဘူး။

                                                                           နင့်ရဲ့ငါ

                                                                          သို့မဟုတ်

                                                                   အရှင်အဂ္ဂဝံသ(ဝန်းသို)

                                     
    မှတ်ချက်။     ။ငယ်စဉ်စာသင်သားဘဝကစတင်ကျက်မှတ်ခဲ့ရသောသဒ္ဒါကြီး

                                                       
                      သုတ်စဉ် နှင့် သဒ္ဒါကြီးရှစ်စောင်ပါဌ်စာအုပ်ကို မြတ်နိုးယုယစွာ   

                      ဖြင့်"သိင်္ဂါရ ရသ"ပေါ်လွင်အောင် ရသစာပေအမြင်ဖြင့်ရေးဖွဲ့
                      တန်ဆာဆင်ပါသည်။

္ပဤပိုစ်ကိုဝန်းသိုမြို့ခန္တီးပရိယတ္တိစာသင်တိုက်(၇၅)ျနှစ်ပြည့်ရွှေဝန်းရတနာမဂ္ဂဇင်းမှကူးယူဖေါ်ပြပါသည်။

ရောက်လာသူအပေါင်းရွှင်လန်းချမ်းမြေ့ကြပါစေ..(ရွှေဝန်းရတနာ)..(၂၀.၁၂.၁၁)အင်္ဂါနေ့ 
Email..ashinvimala2009@gmail.com              

အရှင်မဟာကဿပ၊အလောင်းတော်ကဿပ။

                                                             
                                                                                 

 အရှင်မဟာကဿပမထေရ်မြတ်ကြီးပရိနိဗ္ဗာန်စံပုံကိုသိလိုပါသည်အရှင်ဘုရား။ မဟာဗုဒ္ဓဝင်ကျမ်းမှာအရှင်မဟာကဿပဟာပထမသံဂါယနာကိုဦးဆောင်တင်တော်မူပြီးနောက်      သက်တော်၁၂၀မှာပရိနိဗ္ဗာန်စံတော်မှုကြောင်းသာပါရှိဲပြီးဘယ်နေရာမှာဘယ်လိုပရိနိဗ္ဗာန်စံသည် မည်သူတွေကဈာပနဆောင်ရွက်သည်ဟုမပြဆိုပါ။မြန်မာနိုင်ငံအညာကအလောင်းတော်ကဿပမှာ
အရှင်မဟာကဿပ၏အလောင်းတော်ဖြစ်သည်ဟုလည်းကြားဖူးပါသည်။ဟုတ်ပါသလား
အရှင်ဘုရားရှင်းပြပေးစေချင်ပါသည်။

                                                        ဒေါ်သန္တာခင် ၊ ခေတ္တ ဘန်ကောက်

                                               ပါဠိမှတ်တမ်း

ဗုဒ္ဓအရှင်တော်မြတ်ဟာမိမိရဲ့ နှစ်ထပ်သင်္ကန်းနဲ့ အရှင်မဟာကဿပရဲ့ နှစ်ထပ်သင်္ကန်းကိုလဲလှယ် သုံးဆောင်တော်မှုတယ်( သံ ၁၊ ၄၂၀)။ အဲဒီလိုလဲတာဟာဗုဒ္ဗအရှင်တော်မြတ်ကမိမိမှာရှိတဲ့နောက် အရှင်မြတ်အားသာသနာနဲ့ သံဃာကိုဆက်လက်ထိန်းသိမ်းဖို့တာဝန်ပေးတဲ့ သဘောပါ။ (သံ -ဌ ၂၊ ၁၈၁)။ အရှင်မဟာကဿပဟာပုဗ္ဗေနိဝါသာနုဿတိ ( အတိတ်ဘဝတွေကိုသိနိုင်ခြင်း) ဒိဗ္ဗစက္ခု( နက်မျက်စိကဲ့သို့ မြင်နိုင်ခြင်း) စတဲ့ အညိညာဉ်တွေမှာဗုဒ္ဓအရှင်တော်မြတ်နဲ့ ထပ်တူအစွမ်းရှိတယ်(သံ ၁၊ ၄၃၁)။ အရှင်မြတ်ဟာအရှင်အာနန္ဒာနဲ့ ပုဂ္ဂိုလ်ရေးအင်မတန်ခင်မင်တယ်။ ဒါကြောင့်အရှင်အာနန္ဒာ သက်တော်ကြီးလို့ ဦးခေါင်မှာဆံပင်ဖြူနေချိန်မှာတောင် “ ကုမာရက = ကောင်လေး” လို့ခေါ်ဝေါ်ပြီး ပြစ်တင်မှုတွေပြုဖူးတယ် (သံ ၁၊ ၄၁၈)။ သက်တော် ၁၂၀ ရှည်တယ် (ဒီ-ဌ ၂၊ ၄)။ နှစ်ပေါင်း၁၂၀ ပတ်လုံးအိပ်ရာပေါ်မှာကျောချပြီးကျိန်းစက်တော်မမှုဘဲနိသဇ္ဇဓုတင်ဆောက်တယ်(အံ -ဌ ၂၊ ၃၂၈)။ ပထမသံဂါယနာတင်ဖြစ်အောင် ဦးဆောင် စီစဉ်ခဲ့သူပါ (ဒီ - ဌ ၁၊ ၂-၃)။ ပထမသံဂါယနာတင်ချိန်မှာအရှင်မြတ်ရဲ့ သက်တော်၁၂၀ ရှိပြီ (သံ -ဌ ၂၊ ၁၈၁)။ ပါဠိတော်နဲ့ အဌကထာမှတ်တမ်းတွေထဲကထူးခြားတာလေးတွေကတော့ ဒါလောက်ပါပဲ။

အရှင်မဟာကဿပရဲ့  သွားတော်ဓါတ်တစ်ဆူကိုသီဟိုဠ်မှာရှိတဲ့ပဉ္စယောဇနလို့ခေါ်တဲ့အရပ် (ယခုကိုလံဘိုနှင့် ဂေါလေမြို့ အကြားမှာရှိတဲ့ Bentota )က ဘီမတိတ္တ ဝိဟာရကျောင်းတိုက်မှာဌာပနာထားတယ်(စူဠဝံသ၊ အခန်း ၈၅၊ ၈၀၊ ၈၁ဂါထာ) ၊ ဗုဒ္ဓကိုယ်စားဗုဒ္ဓသာသနာကိုအခြေခိုင်အောင် ဆောင်ရွက်တော်မှုတဲ့ အရှင်မဟာကဿပမထေရ်ကြီးပရိနိဗ္ဗာန်စံတော်မှုပုံအသေးစိတ်ကိုပါဠိစာပေမှတ်တမ်းတွေမှာမဖော်ပြတာကတော့ အတော်အတန် ထူးခြားပြီးစိတ်ဝင်စားစရာကောင်းတာတော့သေချာတယ်။

                                                          

                                            သက္ကတမှတ်တမ်း

သက္ကတဘာသာနဲ့ရေးထားသော အာသောကဝဒါနကျမ်းနဲ့ ဒိဗျာဝဒါနကျမ်းတွေမှာတော့ အရှင်မြတ်ပရိနိဗ္ဗာန်စံတော်မှုပုံကိုအနည်းအကျဉ်းဖေါ်ပြတယ်။ပထမသံဂါယနာတင်ပြီးတဲ့အခါ အရှင်မဟာကဿပဟာဗုဒ္ဓအပ်နှင်းခဲ့တဲ့  မိမိ တာဝန်  ကိုဆောင်ရွက်ပြီးလို့  ဆင်ခြင်ပြီးပရိနိဗ္ဗာန်စံဖိုဆုံးဖြတ်ပါတယ်။အရှင်မြတ်ဟာဓမ္မကိုအရှင်အာနန္ဒာနဲ့လွှဲအပ်ပြီးသံဝေဇနိယဌာနတွေကို ကြွပြီးနောက်ဆုံးရာဇဂြိုဟ်မြို့ကိုကြွပါတယ်။ အဇာတသတ်ဘုရင်နဲ့ တွေ့လိုပေမယ့်  ဘုရင်အိပ်စက်နေချိန်ဖြစ်လို့ ဘုရင်ကို မနှိုးလိုတာကြောင့် ကုက္တုဋပါဒဂိရိတောင်ကို တစ်ပါးတည်း ကြွတော်မူတယ်။ ဗုဒ္ဓသက်တော် ထင်ရှားရှိစဉ်က  အရှင်မြတ်နဲ့ လဲလှယ်ခဲ့တဲ့ နှစ်ထပ်သင်္ကန်းကိုမေတ္တယျဘုရားရှင်အားလွှဲအပ်ဖို့တာဝန်ရှိတဲအတွက် ဂူတစ်ဂူထဲမှာတင်ပလ္လင်ခွေထိုင်ပြီး “ ဤခန္တာကိုယ်သည်မေတ္တယျဘုရားရှင် ပွင့်တော်မူချိန်ထိတည်ပါစေ”လို့ အဓိဋ္ဌာန်ပြုပါတယ်။ မြေငလျင် တုန်လှုပ်ပြီးနတ်တွေကအရှင်မြတ်ရဲ့ ခန္ဓာကိုယ်ပေါ်မှာဖုံးအုပ်သွားပါတယ်။ ဒါပေမယ့် သင်္ကန်းကိုလွှဲပြောင်းပေးအပ်ပြီးမှ အရှင်မြတ်ပရိနိဗ္ဗာန်စံတော်မှုမယ်။

မကြာမီအဇာတသတ်မင်းနဲ့ အရှင်အာနန္ဒာတို့ အရှင်မြတ်ကိုဖူးမြှော်ဖို့ တောင်ပေါ်သို့သွားရောက်ခဲ့ကြပါတယ်။ ပိတ်ဖုံးနေတဲတောင်တံခါးအနည်ုးငယ်ပွင့်လာလို့ အရှင်မဟာကဿပရဲ့ကိုယ်ခန္ဓာကိုဈာပနပြုလိုပေမယ့်  အရှင်အာနန္ဒာကအရှင်မြတ်ရဲ့ကိုယ်ခန္ဓာမှာမေတ္တယျဘုရားရှင်ပွင့်တော်မူသည်အထိမပျက်မစီးတည်ရှိရမည်ဖြစ်ကြောင်းမိန့်တော်မူ    မပြဖြစ်ဘူး။အဲဒီနောက်တောင်တံခါးကြီးပြန်ပိတ်ဖုံးသွားပြီးအဇာတသတ်နဲ့ အရှင်အာနန္ဒာတို့လည်းထွက်ခွာခဲ့ကြပါတယ်။ ( ErienneLamotte , Hostpry of Indian Buddhism, p.206-207)။

                                         တရုတ်အစဉ်အလာ

တရုတ်ဗုဒ္ဓဘာသာအစဉ်အလာရကုက္ကုဋပါဒဂိရိတောင်ဟာတရုတ်နိုင်ငံအနောက်တောင်ပိုင်း တစ်နေရာမှာရှိတယ်လို့ဆိုပါတယ်။ ရှင်မြတ်ကို ကြည်ညိုကြတဲ့ တရုတ်ရဟန်းတော်တွေ အဲဒီတောင်မှာရှိတဲကအရှင်မြတ်ကိုအဖူးအမြော်ကြွလေ့ရှိရာမှာအရှင်မဟာကဿပရဲ  ခန္ဓာကိုယ် တင်ပလ္လင်ခွေလျက်ဖူးတွေ့ကြသူတွေအများကြီင်္းရှိပါသတဲ့။( Ibid , p.207) ။

                                            ပေါင်လောင်ရှင်ကဿပ

      “သုံးဆယ်နှိုက် ငနောင်သင် ခိုးသားတစ်ထောင်နှင့် ပုန်ကန်သည်ကိုလည်းရန်မန်ငထွေးကိုစေတော်မူသည်။ အရှင်ချည်းဖန်းယူဆက်လျှင် နဖူးတွင်စာထိုး၍  ထားရ၏။ ရန်မန်ငထွေးကိုအမှုတော် ကုံတွင်ပေသည်ဟုအားရတော်မူ၍ အနန္တပစ္စည်းဟူသောအမည်နှင့် ဆုလပ်ပေးတော်မူ၏။ တိုင်းစွန်းပြည်နားခိုးသားဓားမြသူပုန်သူကန်ရှိရာစေတော်မူတိုင်းအောင်ဘန်းများ၍ 

ရသည့်ဆုလပ်များနှင့်အရှင်ကဿပတွင်သောပေါင်လောင်ရှင်ကိုိဆရာပြုသ၍ ဘုရားသိမ်ကျောင်းကောင်းမှု့စာရင်းများကိုလျှောက်ဆက်လျှင် ပစ္စုပ္ပန်သံသရာအကျိုးကိုများစွာဆောင်ရွက်ပေသည်ဟု

အနန္တသူရိယအမည်နှင့် (မယားကြီးသေသည်ဖြစ်၍  စစ်သူကြီးငစည်မြေးစောအလွန်ကိုခင်အုန်းအမည်နှင့်

မိဖုရားမြှောက်ရာတွင် မြင့်သည်) သမီးတော်ကျောင်းတော်နှင့် ဆောင်နှင်းတော်မူ၏။( တွင်းသင်း ။တ-တွဲ ၊စာ -၁၃၀)။ပေါင်လောင်ရှင်ကဿပဟာထီးလင်းမြို့စီရင်စုပေါင်လောင်ရွာဇာတိဖြစ်သည်။ပုဂံမြို့တော်ဘက် ခရီးတစ်တိုင်ကျော်ကွာမှာရှိ တဲ့  တောရွာကျောင်းမှ သီတင်းသုံးတယ်(ပိဋကတ်တော်သမိုင်း ၊စာကိုယ်အမှတ် ၃၃၀)။စစ်ကိုင်းခရိုင် မြောင်မြို့နယ်ရှိရွှေပေါင်လောင် ဘုရားကျောက်စာအရမြှောင်မြို့နယ် ကျောက်ရစ်ရွာဇာတိ၊ သက္ကရာဇ် ၅၃၀ဖွား၊ ငယ်မည် “ပေါင်လောင်သင်” ဖြစ်တယ်။

ပေါင်လောင်အရပ်ကိုသာသနာပြုခရီးလှည့်စဉ် ပေါင်လောင်လူမျိုးအကြီးအကဲတို့ကပေါင်လောင်အငယ်နှစ်ယောက်ကိုအလုပ်အကျွေးအပ်လှူတဲ့အထိပေါင်လောင်လူမျိုိးု့ တို့ ရိုသေ ကိုင်းညွတ်ခံရလို့ ပေါင်လောင်ရှင်လို့ခေါ်တယ်။ သီဟိုဠ်နိုင်ငံအနှံ့အပြားဘုရားဖူးကြွပြီးနောက် သီဟိုဠ်မှ ဓါတ်တော် ၃၇ခုနှင့်  မေးရိုးတော်တစ်ဆူပင့်ခဲ့လို့ အဲဒီဓါတ်တော်တွေကိုဌာပနာပြီးအထက်မြန်မာနိုင်ငံတစ်ခွင်မှာဘုရားစေတီတည်တယ်။ မိမိဘုရားတည်ထားတဲ့အရပ်တွေမှာလှည့်လည်သီတငိးသုံးတော်မှုတယ်။ယောနယ်ဖက်ကိုလည်းသာသနာပြု ကြွရောက်လေ့ရှိတယ်။( ဇာတကပါဠိနိဿယနိဒါန်း ၊ စာx၁၀)။

ပေါင်လောင်အရှင်ကဿပဟာပုံခေတ်ကရဟန္တာအဖြစ် ထင်ရှားတဲ့ ဆရာတော်ပါ။ ဤအရှင်သီဟိုဠ်ကိုကြွတဲ့အခါ နတ်သိကြားတို့ကကျားယောင်  ဖန်ဆင်းပြီးပို့ပေးတယ်။ တစ်ခါတစ်ရံသင်္ဘောနဲ့လည်းကြွတယ်။ သင်္ဘောစီးသွားစဉ် တစ်ခါမှာတော့ ပင်လယ်ထဲမှာသင်္ဘောမရွေ့ဘဲရပ်နေတဲ့ “မသူတော် ပါချေ ပြီ” ဆိုပြီး (ဒီအဆိုဟာအချို့ဇာတကမှာပါတာနဲ့တူနေတယ်) မဲချတော့ အရှင်ကဿပကိုပဲသုံးကြိမ်ကျလို့ သင်္ဘောပေါ်က ပြစ်ချတဲအခါ မထေရ် ကိုမိကျောင်းကြီးတစ်ကောင်ကကျောကုန်းပေါ်တင်ပြီးသီဟိုဠ်သို့ အရောက်ပို့ဆောင်ပေးပါတယ်။

ပေါင်လောင်ကဿပသီဟိုဠ်ကျွန်းမှာလှည့်လည်စဉ် မျက်မမြင်ဘီလူးတွေကိုမေတ္တာရေချမ်းနဲ့ မျက်စိအလငိးရစေတယ်။ ဒါကြောင့်ဘီလူးတို့  ငရမန်၊ အတင်ကျည်းအမည်ရှိတဲဘီလူးညီနောင် ဆရာတော်က လှူလိုက်တယ်၊ ဆရာတော်အပြန်မှာသီဟိုဠ်မဟာစေတီပုံ၊ လောဟပါသာဒ (ကြေးပြာသာဒ်) ပုံ၊ ဓါတ်တော်မွေတော်၊ မဟာဗောဓိညောင်စေ့တွေကို မြန်မာပြည်ကိုယူခဲ့တယ်။ ပေါင်လောင်အရှင်ကဿပမထေရ်ဟာနရပတိစည်သူမင်းကြီးရဲ့ ဆရာပြုကိုးကွယ်ခံရတယ် ( သာသနာလင်္ကာရစာတမ်း၊ စာ-၁၁၄)။

ပေါင်လောင်အရှင်ကဿပဟာ  ၁။ ခုဒ္ဒသိက္ခာနိဿယဟောင်း (ပိဋကတ်တော်သမိုင်း ၊ စာကိုယ်အမှတ် ၇၆၀) ၂။ သဟဿရံသီမည်သောဗောဓိပင်ဝင်ဋိကာကျမ်းတွေကိုရေးခဲ့တယ်(ယင်း၊ စာကိုယ်အမှတ် ၊၃၃၀ )။ ဗောဓိဝင်ဋိကာနိဂုံးအရနရပတိစည်သူမင်းကြီးရဲသားတော် သီခဝိဇယမင်းသားကဗောဓိဝင်ဋိကာကိုသက္ကရ် ၅၆၀၊ခု ပေရွက်ပေါ်မှာရေးတင်တယ်လို့ဆိုတယ်။ ဇေယျသီခကိုသီခဝိဇယ ၊၄င်းရဲ့ မယ်တော်ကိုလည်း “ သဒါ သဒ္ဓါယ ဒက္ခာယ၊ သယတောဒက္ခိဏာဒေဝိဟာ = သဒ္ဓါတရားနှင့် အခါခက်သိမ်းလှူဒါန်းလေ့ရှိသည့်  တောင်ပြင်သည် မိဖုရားလို့ဆိုတယ်။ ပုဂံမြို့တော်ဘက် တစ်တိုင်ကျော်ကွာဝေးတဲ့ တောရွာကျောင်းမှာသီတင်းသုံးစဉ် 

ခုဒ္ဒသိက္ခာအဌကထာနိဿယကိုရေးစီရင်ခဲ့ကြောင်းကဿပကျောင်းကျောက်စာမှာဆိုတယ်( မဟာဒွါရနိကာယသာသနဝံသဒီပနိ ၊စာ၊ ၉၂)။ 

ပေါင်လောင်ကဿပနဲ့ပတ်သက်ဖွယ်ရှိတဲ့ ပုဂံကျောက်စာအချို့ကိုလေလာကြည့်တဲ့အခါ  ပိဋကတ် အလွန်တတ်ကျွမ်းသူ ၊ဘုရင်တွေမူးမတ်တွေကြည်ညို ကိုးကွယ်ခံရသူ၊ ပုဂံမင်း (သက္ကရ်၅၇၇ မှာဖြစ်လို့ နားတောင်းများမင်း ဖြစ်ဖွယ်ရှိတယ်) ကအတန်တန်ပင့်လို့ ပုဂံကိုကြွရောက်ပြီးဘုရင်ခံစားနေရတဲ့ ရောဂါကိုပျောက်အောင်ကုသပေးတဲ့အတွက် ဘုရင်ကထီးဖြူဆောင်းပြီးပူဇော်ခံရသူ ၊ တောကျောင်းဂိုင်းကိုစတင်တည်ထောင်သူဖြစ်တွေ့ရကြောင်းပါ။

တောင်သူမြို့ထောင့်ကျောင်းဆရာတော် ဘဒ္ဒန္တာသိရိသံဝရမထေရ်  ရေးစီရင်တဲ့ အလောင်းတော်ကဿပသမိုင်းကျမ်းအရသက္ကရ် ၇၆၃ခုနှစ်နန်းတက်တဲ့ရွှေနန်းစံပထမမင်းခေါင်းကြီးလက်ထက်တောင်ကြားရွာဇာတိလို့ဆိုတယ်။ သိဟိုဠ်မှာပညာသင်ယူတက်မြောက်ပြီး ပြန်ရောက်တဲကအခါ ချင်းတွင်းမြစ်ရဲ့ အရှေ့ဖက်ကမ်းရွှေလှေအရပ်မှာစာပေပို့ချခဲ့ကြောင်းဆိုတယ်။

                                          အလောင်းတော်ကဿပ

တစ်ခါသော်  မြင်းမူတောကျောင်းမှ အမြင့်တောကျောင်း ၊ တုံတောကျောင်းမှ ဖြတ်၍ ယောနယ်ဖက်သို့ သာသနာပြုကြွအသွားပုံညာတောင်နှင့်မဟူတောင်တို့ဆုံရာယခုအလောင်းတော်ကဿပနေရာမှာပေါင်လောင်ကဿပအရှင်မြတ် ပျံလွန်တော်မူတယ်။  အနီးအနားရွာသားများ၊ ကိုးကွယ်သူဒါယကာများကကောင်းစွာသဂြိုဟ်ကြပြီးအထိမ်းအမှတ်အဖြစ် ကိုယ်စားပုံတော် အလောင်းတော်သဏ္ဌာန်တည်ထားကိုးကွယ်ရာမှာအလောင်းတော်ကဿပလို့ ဝေးနီးအနှံ့ ကျော်စောလာတယ် (ဇာတကပါဠိဿယနိဒါန်း ၊ စာ-၁၂)။

                                                      သုံးသပ်ချက်

ဓုတင်ဆောင် ဧတဒဂ်ရအရှင်နဟာကဿပဟာဗုဒ္ဓသာသနာမှာအလွန်ထင်ရှားတယ်။ ထင်ရှားသူတွေရဲ့   ဖြစ်ရပ်တွေမှာအံဖွယ် ဖြစ်ရပ်ဆန်းတွေ  ပါနေလေ့ရှိတတ်တယ်။ အရှင်မဟာကဿပအစစ်ကိုအိန္ဒိနှိုင်ငံဗီဟာပြည်နယ် တစ်နေရာမှာပရိနိဗ္ဗာန်စံဖို့ ပိုဖြစ်နိုင်တယ်။တရုတ် နိုင်ငံကအရှင်မဟာကဿပနဲ့  မြန်မာနိုင်ငံကပေါင်လောင်အရှင်ကဿပတို့ကအဂ္ဂသာဝကကြီးအရှင်မဟာကဿပနဲ့  ပတ်သက်နိုင်ဖွယ် မရှိပါဘူး။

အင်း ၊ ပေါင်လောင် အရှင်ကဿပဟာပုဂံခေတ်ကရဟန္တာအနေနဲ့ အလွန်ထင်ရှားတဲ့ ဘုရင်ကိုးကွယ်ခံပုဂ္ဂိုလ်ဖြစ်လို့ အံ့သြထူးဆန်းဖြစ်ရပ်တွေနဲ့ အတူနောင်အခါ အလောင်းတော်ကဿပ ဖြစ်လာတယ်ဆိုရင်တော့ မငြင်းသာပါဘူး။

ရောက်လာသူအပေါင်းရွှင်လန်းချမ်းမြေ့ကြပါစေ..ရွှေဝန်းရတနာ..(၁၅.၁၂.၁၁)ဗုဒ္ဒဟူးနေ့

 ဆက်သွယ်ရန်..ashinvimala2009@gmail.com

မလေးရှားနိုင်ငံ၌ ဗုဒ္ဓသာသနာ စတင်ပြန့်ပွားပုံ

                                                                             

မလေးကျွန်းဆွယ်သည်လည်း ရှေးခေတ်က သုဝဏ္ဏဘူမိဟုခေါ်သော ဒေသ၌ ပါဝင်ကြောင်း အချို့ပညာရှင်တို့က ယူဆကြသည်။ ထိုအယူအဆအရဆိုသော် တတိယသံဂါယနာအပြီး သာသနာပြု စေလွှတ်ခဲ့သော ဒေသများတွင် ပါဝင်သောကြောင့် ဘုရားရှင် ပရိနိဗ္ဗာန်ပြုတော်မူပြီး နောက်နှစ်ပေါင်း (၂၅၀)ခန့်တွင် ထိုဒေသသို့ ဗုဒ္ဓသာသနာ စတင်ရောက်ရှိခဲ့သည်ဟု ဆိုရပေမည်။ သို့သော် ခိုင်လုံသော အထောက်အထားကား မရှိချေ။ ထိုဒေသကို သုဝဏ္ဏဒီပ ဟုလည်း ခေါ်ဆိုကြသည်။

ခိုင်လုံသော အထောက်အထားအရမူ ခရစ်နှစ် ၄-ရာစုနှင့် ၅-ရာစုသုံး အိန္ဒိယအက္ခရာဖြင့် ရေးထိုးထားသော သက္ကတဘာသာကျောက်စာတို့ကို မလေးကျွန်းဆွယ်အနှံ့အပြား၌ တွေ့ရှိရသည်။ ထိုကျောက်စာတို့၌ ရေးထိုးထားသောစာများမှာ မဟာယာနမဇ္ဈိမိကဂိုဏ်း၏ အတွေးအခေါ်များဖြစ်ကြောင်း လေ့လာတွေ့ရှိ ကြရသည်။ ထို့ကြောင့် ခရစ်နှစ် ၅-ရာစုလောက်ကပင် မလေးကျွန်းဆွယ်၌ မဟာယာနဗုဒ္ဓဘာသာ ရောက်ရှိနေပြီဟု ယူဆရသည်။

ခရစ်နှစ် ၇-ရာစု၌ ဆူမတြာကျွန်းတွင် သီရိဝိဇယနိုင်ငံသည် တန်ခိုးကြီးသော ဗုဒ္ဓဘာသာနိုင်ငံအဖြစ် ထင်ရှားခဲ့သည်။ မလေးကျွန်းဆွယ်ကိုပါ အုပ်စိုးခဲ့သည်။ ၇-ရာစု ကုန်ခါနီး၌ သီရိဝိဇယနိုင်ငံသို့ရောက်ခဲ့သော တရုတ်ခရီးသည် ရဟန်းတော် အီကျင်က ထိုနိုင်ငံ၌ ဗုဒ္ဓသာသနာ လွန်စွာထွန်းကား၍ အနီပတ်ဝန်းကျင်နိုင်ငံများ သို့လည်း ဖြန့်ဖြူးပေးနေကြောင်း သီရိဝိဇယ၌ သဗ္ဗတ္ထိဝါ၏ ထွန်းကားနေပြီး မဟာယာနလည်း အနည်းငယ်ရှိကြောင်း မှတ်တမ်းတင်ထားလေသည်။

ခရစ်နှစ် ၈-ရာစု၌မူ သီရိဝိဇယနိုင်ငံကို အုပ်ချုပ်သော သေလေန္ဒြဘုရင်များသည် အိန္ဒိယပြည်မှ တန္တရဗုဒ္ဓဘာသာ ဗဟိုဌာနဖြစ်သော နာလန္ဒတက္ကသိုလ်နှင့်လည်းကောင်း၊ တန္တရ ဗုဒ္ဓဘာသာဝင် ပါလမင်းတို့၏ ၀ိက္ကမသီလ၊ သြဒန္တပုရိ၊ ဂျဂဒ္ဒလတက္ကသိုလ်တို့နှင့်လည်းကောင်း ရင်းနှီးစွာ ဆက်ဆံမူရှိခဲ့ကြသည်။ ပစ္စည်းလေးပါး ထောက်ပံ့မူများပင် ရှိခဲ့သည်။ ထို့ကြောင့် သီရိဝိဇယနိုင်ငံအတွင်း၌ ပါဝင်သော မလေးကျွန်းဆွယ်၊ ဆူမတြာ၊ ဂျားဗား ကျွန်းများသို့လည်း မဟာယာနတန္တရ ဗုဒ္ဓဘာသာ ပြန့်ပွားခဲ့လေသည်။

ခရစ်နှစ် ၁၆-ရာစုတွင် မူဆလင် စူလတန်ဘုရင်တို့က သီရိဝိဇယနိုင်ငံကို သိမ်းပိုက်လိုက်သောအခါ ထိုနိုင်ငံတော်၏ အစိတ်အပိုင်းဖြစ်သော မလေးကျွန်းဆွယ်သည်လည်း မူဆလင်တို့လက်အောက်သို့ ကျရောက်သွားသည်။ ထိုအချိန်မှစ၍ မလေးကျွန်းဆွယ်၌ ဗုဒ္ဓဘာသာ ကွယ်ပျောက်လုနီးပါး ဖြစ်သွားခဲ့လေသည်။

မျက်မှောက်ခေတ်တွင်မူ မဟာယာန ဗုဒ္ဓဘာသာဝင် တရုတ်နွယ်ဖွားများနှင့် ထေရ၀ါဒဗုဒ္ဓဘာသာဝင်အချို့၏ အားထုတ်မူကြောင့် မလေးရှားနိုင်ငံ၌ တစ်စတစ်စ ဗုဒ္ဓဘာသာ သက်ဝင်လူပ်ရှားလာနေပြီ ဖြစ်သည်။

အထူးအားဖြင့် ပီနန်ကျွန်း၌ မြန်မာ၊ သီရိလင်္ကာနှင့် ထိုင်း ဗုဒ္ဓဘာသာ ဘုန်းကြီးကျောင်းများရှိနေပြီ ဖြစ်ပေသည်။ တည်ရှိရုံမျှမက ပို၍ အံသြဖွယ်၊ မြန်မာတို့ဂုဏ်ယူဖွယ်ကောင်းသည်မှာ ပီနန်ကျွန်းရှိ ဓမ္မိကာရာမ မြန်မာသာသနာပြု ကျောင်းတိုက်ကြီးပင် ဖြစ်သည်။ လွန်ခဲ့သော နှစ် (၂၀၀)နီးပါး (ခရစ် ၁၈၀၃-ခုနှစ်) ကပင် မြန်မာဘုန်းတော်ကြိး ၆-ဆက်တို့ လက်ဆင့်ကမ်း သာသနာပြုခဲ့ရာ ယခုအခါ မြန်မာဘုန်းတော်ကြီး (အဂ္ဂမဟာပဏ္ဍိတ) ဆရာတော်ကြီး ဦးပညာဝံသ၏ ညွှန်ကြားချက်အရ (အဂ္ဂမဟာပဏ္ဍိတ၊ ဓမ္မာစရိယ၊ မဟာဝိဇ္ဇာ) ဆရာတော်အရှင်သုမနာစာရ သာသနာပြုလျက်ရှိသည်။ ထေရ၀ါ၏နှင့် မြန်မာယဉ်ကျေးမူအတွက် ကမ္ဘာလှည့်ခရီးသည်တို့၏ လေ့လာရာဌာနကြီးတစ်ခု အဖြစ်လည်း တည်ရှိနေပေသည်။

ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် စာအုပ်မှ ထုတ်နူတ်ဖော်ပြသည်။

ရောက်လာသူအပေါင်းရွှင်လန်းချမ်မြေ့ကြပါစေ.ရွှေဝန်းရတနာ.(၁၂.၁၂.၁၁)တနင်္လာနေ့

 ဆက်သွယ်ရန်.... ashinvimala2009@gmail.com

ဆက်၍ ဖတ်ကြည့်ပါဦး ..

                                  "စောဘွားမြေ"

                                                   a
                                          မှန်ကင်းတောင်ကြီး မြင့်ထီးထီးက
                                         ပိတ်ဆီးရံကာ   လွန်သာယာလျက်
                                         မြှူလွှာသင်းဖြူ   ပုံမထူးသည့်
                                         ဒေါင်းမြူရစ်ခွေ   စောဘွားမြေ။

                       တရံခါက   သည်ဌာနဝယ်
                      အာဂယောကျာ်း  ဇာနည်ဘွာသည်၊
                      တို့များပိုင်နက်   လိုရမ္မက်ကြောင့်
                      စစ်ဖက်လာငြား   နယ်ချဲများကို  
                     တပါးသူ့ကျွန် ငါမခံဟု
                     ရဲမာန်ဝင့်ဝင့် တံခွန်လွှင့်၍

                                         သွေးနှင့်ရင်းနှီး  သည်မြေကြီးကို
                                         စုစည်းခဲ့ကြ    ကာကွယ်ကြသည်
                                          မြန်မာ့ရဌေ  စောဘွားမြေ

                                         ခန္တျာရာမ အနွတ္ထဖြင့်
                                        ခေါ်ကြသမိုက် စာသင်တိုက်သည်
                                        နေ့၌နေ့ဝါ ညချိန်မှာလည်း။
                                        ညဝါဆိုတက်  စဉ်မပျက်မို့
                                        နေထွက်မှသာ  နေဝင်ကာထိ
                                        စာသံပေသံ ညိုးညိုးညံလျှက်
                                       ကျမ်းဂန်တတ်သိ  ပညာရှိတို့
                                       ထွန်းသည့်ဌာနေ   စောဘွားမြေ။    

                     တရာရိပ်နှင့် မဆိတ်ဓမ္မ
                     လွန်အေးမျှသည့် စန့်လပမာ
                    ကျောင်းရိပ်သာလည်း ကောင်းစွာတည်နေ  စောဘွားမြေ။

                                         ကိုင်းကျွန်းလယ်မြေ ဆန်ရေစပါး
                                         လွန်ပေါများလျှက် လေးပါဗြဟ္မစိုရ်
                                         စိတ်ဝယ်သို၍ ညီကိုမောင်ရင်း
                                         ပုံမယွင်ပဲ ချစ်ခြင်းတူကြ
                                         မေတ္တာမျှ၍   သာစွဌာနေစောဘွားမြေ။

                                                                            မောင်စောထွန်း(မြစေတီ) 


                                          "အိမ်ကြီးမာယာ"


                                  *လွယ်လာခဲ့ရ.........
                                   ဘဝအကြိမ်ကြိမ် ခန္ဓာ အိမ်၌
                                   ယှက်လိမ်ကြိုးစ၊ သမုဒယနှင့်။

                                 *ငိုလာခဲ့ရ....
                                  ဘဝအကြိမ်ကြိမ် ခန္ဓ်ာအိမ်၌
                                 အချိန်မလပ်၊တရစပ်လျင်
                                 မပြတ်ရွေ့လျော၊ဇရာသဘောနှင့်။

                                *နာလာခဲ့ရ.....
                                  ဘဝအကြိမ်ကြိမ် ခန္ဓ်ာအိမ်၌
                                  မငြိမ်ရိုးရွ၊ ထိုးဆွညှဉ်ဆဲ
                                 ကိုက်ခဲ့နေည၊ဗျာဓိဓမ္မနှင့်၊

                                 *သေလာခဲ့ရ........
                                   ဘဝအကြိမ်ကြိမ် ခန္ဓ်ာအိမ်၌
                                  ဝိညဉ်အသက်၊ခွာထွက်ရုပ်ချည်း
                                  တာဆီးမရ၊မရဏနှင့်။

                                *သြော်....
                                 ခန္ဓာ ဟူသည၊်မတည်ဖောက်လဲ
                                ဆင်းရဲအမှန်၊ရုပ်နာမ်စုစည်း
                                အိမ်ကြီးမာယာ၊ရန်သူသာတည့်။

                               * ခန္ဓာငါးပါး.....
                                လှည်ဖြားကြိမ်ကြိမ်၊မာယာအိမ်ကို
                                ချိုးနှိမ်ရွံမုန်း၊ဘဝတုံးအောင်
                                ရုန်းထွက်ခုက၊ဇွဲလုံးလဖြင့်
                               ဓမ္မလှေယာဉ်၊တက်ကိုပြင်လျှက်
                               မဂ္ဂင်ခရီးနှင်သင့်ပြီ။     ။

                                                                 ဗန်မော်ရဲမြင့်။

ဝန်းသိုမြို့ခန္တီးပရိယတ္တိစာသင်တိုက်ရွှေဝန်းရတနာမဂ္ဂဇင်းမှကူးယူဖေါ်ပြပါသည်။



ရောက်လာသူအပေါင်းရွှင်လန်းချမ်းမြေ့ကြပါစေ..ရွှေဝန်းရတနာ(၆.၁၂.၁၁)အင်္ဂါနေ့