ကျေးဇူးတော်ရှင် အမရပူရ မဟာဂန္ဓာရုံဆရာတော်ကြီင်္း အရှင်ဇနကာဘိဝံသ ဆရာတော်ကြီးသည် အမရပူရ မဟာဂန္ဓာရုံကျောင်းတိုက်ရှိ ရဟန်းသာမဏေများကို ဘုရားရှင်၏အလိုတော်နှင့်အညီ စိတ်ကောင်းရှိခြင်းနှင့် ဝိနည်သိက္ခာ လိုက်နာခြင်းကို အဓိကထားသောစည်မျဉ်းစည်ကမ်းတို့ဖြင့် ပြူစုပျိုးထောင်ပေးတော်မူခဲ့သည်။
ဆရာတော်ကြီးသည် ပြောသလိုလုပ်၍ လုပ်သလိုပြောတတ်သော(ယထာဝါဒီ၊တထာကာရီ)ဆရာတော်ပင်ဖြစ်သည်။
ဆရာတော်၏အနာဂတ်သာသနာ အတွက် ဆောင်ရွက်ချက်များမှာ ဆရာတော်ရေးသားပြုစုသော ကျမ်းစာအုပ်များနှင့် ဆရာတော်ဦးဃောသိတရေးသားပြုစုခဲ့သော"တစ်ဘဝသာသနာ" ကျမ်းစာအုပ်တို့ကသက်သေခံလျက်
ရှိသည်။
ဆရာတော်ကြီး၏ ကျမ်းစာများကြောင့် ဗုဒ္ဓဘာသာဝင်များ စစ်မှန်သော ထေရဝါဒသာသနာတော်အပေါ် အလေးအမြတ်ထားကြည်ညိုတတ်လာ၏ ဆရာတော်ရေးသားပြုစုသော
ရတနာ့ဂုဏ်ရည်၊ အနာဂတ်သာသနာရေး၊ ကိုယ်ကျင့်အဘိဓမ္မာ၊ဘုရားဥပဒေတော်ကြီး၊တစ်ဘဝသံသရာ စသည့်ကျမ်းစာတို့သည်ထင်ရှားပါ၏။ ယခုခါ ဆရာတော်ကြီး မရှိတော့ပြီဖြစ်သော်လည်း ထိုထိုကျမ်းစာ
အုပ်များသည် ထာဝစဉ်ထွန်းတောက်လျက်ရှိ၏။
ဤတွင် ဆရာတော်၏တစ်ဘဝသာသနာခရီး၌ ထူးခြာဖြစ်စဉ်တစ်ခုကိုတင်ပြပါမည်။
၁၃၃၆-ခုနှစ်- ကဆုန်လ မိုးဦးကာလကဖြစ်၏ တချို့ဒေသတို့တွင်
မိုးရွာစပြုနေပြီဖြစ်သော်လည်း မဟာဂန္ဓာရုံကျောင်းတိုက်တည်ရှိရာ အမရပူရမြို့ပတ်ဝန်းကျင်နှင့် မန္တလေး၊စစ်ကိုင်း၊မြစ်ငယ်၊တံ့တားဦးစသည့်နယ်တစ်ခွင်တွင် မိုးမရွာသေးချေ။ မိုးခေါင်နေ၏။ ရာသီဥတုကလည်း ပူပြင်းလွန်းလှ၏။တစ်ချို့ရေတွင်း၊ရေကန်တို့မှာလည်း ခန်းခြောက်စပြုပြီးဖြစ်၏။လူအများမိုးကိုမျှော်လျှက်ရှိ၏။ဆိုးဝါးလှသောအပူရှိန်ကြောင့်ရောဂါများရကာ အသေအပြောက်များလာ၏။
ဤတွင်ကျေးဇူးတော်ရှင် မဟာဂန္ဓ္ဓာရုံဆရာတော်အရှင်ဇနကာဘိဝံသသည်စိုးရိမ်လျက်ရှိ၏။ ထိုသို့ စိုးရိမ်ကြောင့်ကြစိတ်နှင့်အတူ ဘုရားရှင်သက်တော်ထင်ရှားရှိစဉ် ဝေသာလီပြည်တွင် ကပ်ရောဂါဘေးများကျရောက်ခဲ့စဉ်က အဖြစ်ကိုပြန်လည်ဆင်ခြင်နေမိ၏။ ဘုရားရှင်နှုတ်တော်ထွက် ပရိတ်တော်ဖြင့် ကာကွယ်တားဆီးခြင်းတာ ဘုရားရှင်၏ အလိုတော်နှင့်ကိုက်ညီသော အကောင်းဆုံးနည်းဟု တွေးတောမိ၏။
ထိုအခိုက် အမရပူရမြို့မှ ဦးဆောင်ဒကာအချို့သည် ဆရာတော်ထံရောက်လာကြသည်။
"အရှင်ဘုရား၊မိုးကလည်း မရွာသေး။ရာသီကလဲပူပြင်း။ရောဂါများလည်းကျရောက်နေပါပြီ။အသေအပျောက်တွေလည်းမနည်းလှတော့ပါ။ ပရိတ်တော်ဖြင့် ချီမြင့်ကယ်မတော်မူပါဘုရား"ဟု လျှောက်ထားတောင်းပန်လာကြ၏။
ဆရာတော်ကလည်း ကရုဏာစိတ်ထားဖြင့် မဆိုင်းမတွ လက်ခံလေ၏။ ထိုနောက်ဆရာတော်က"ဒကာတို့ခြေလျင်ကြွနေရင် သံဃာများပင်ပန်းပြီး ခရီးမတွင်နိုင်ဘူး။ကျောင်းတိုက်ရှိသံဃာအပါး-၅၀၀-မြို့တွင်းအနှံ့ရွက်ပေးပါမယ်။ကားတစ်စီးမှာ သံဃာအပါး-၅၀-။အပါး-၅၀၀-အတွက် ကား-၁၀-စီးလောက်စီစဉ်ပေးပါ။ ဒကာများကလည်းဝမ်းမြောက်စွာဖြင့် ကားတစ်စီးလျှင် သံဃာ-၅၀-ဆံမည့်ကား-၁၀-စီကို အလျင်အမြန် စီစဉ်ပေးကြ၏။
ထိုသို့ကားဖြင့် စီစဉ်စေခြင်းငှါ အချိန်တို အတွင်း မြို့အနှံရွက်နိုင်မည်ဖြစ်သည့်အပြင် ဒကာဒကာမတို့ကြည်ညို၍ လမ်းမှဖြတ်ကာ လှူဒါန်းမည့်အခွင့်လမ်းကို မရစေလိုသည့် သဘောလည်းပါ၏။
သံဃာတော်များလှူဒါန်သည့်ဝတ္ထုပစ္စည်းကို သာယာခဲ့သော် ပရိတ်တော်အပေါ် အာရုံရောက်မှု လျော့နည်းနိုင်၏။မေတ္တာအားလည်း လျော့ပါးသွားနိုင်၏ တစ်ချက်ခုတ် နှစ်ချက်ပြတ် အစီစဉ်ပင်ဖြစ်၏။ ဆရာတော်၏ အမြော်အမြင်ကြီးမားမှုကားအံ့ချီးဖွယ်ပင်၊ ဤသို့ဖြင့် မြို့တွင်းအနှံ့ကားများဖြင့်ပရိတ်တော်များကို လှည့်ပတ်ရွက်ကြရာ တစ်မြို့လုံး ပရိတ်သံများလွှမ်းလေတော့၏။ပရိတ်တော်ပင်မဆုံးသေး။မိုးသားများအုံ့ဆိုင်းလာ၏။သံဃာတော်များလည်းအား
တက်လာကာပရိတ်တော်အပေါ် ပို၍စူးစိုက်လာ၏ မေတ္တာကို တိုး၍ပို့လွတ်လေတော့၏။
လေအေးများလည်း တိုက်ခတ်လာသည်။ချစ်ချစ်တောက် ပူပြင်းနေရာကတစ်မုဟုတ်ချင်းအ
အေးဓာတ်များ ဝင်လာ၏။ အရပ်လေးမျက်နှာလုံးမိုးသားများ တရိပ်ရိပ်တက်လာတော့၏။ မိုးထက်ချုန်းသံများလည် ပေါ်ထွက်လာသည်။ မကြာမီ ပြင်းထန်သော မိုးထစ်ချုန်းသံတို့နှင့်အတူ
မိုးကြီးသည်းထန်စွာ ရွာချလေတော့၏။
ကျေးဇူးတော်ရှင် အမရပူရ မဟာဂန္ဓာရုံဆရာတော်ကြီးနှင့်တကွ မဟာဂန္ဓာရုံကျောင်းတိုက်ရှိ သံဃာတော်အပေါင်းတို၏ သီလဂုဏ်၊သမာဓိဂုဏ်၊ပညာဂုဏ်တို့ကား အံ့ချီးဖွယ် ကောင်းလှပေစွ။
(အရှင်ဃောသိတ ရေးသားပြုစုသော အရှင်ဇနကာဘိဝံသ၏ တစ်ဘဝသာသနာကျမ်းစာအုပ်မှ ထုတ်နုတ်ရေးသားတင်ပြခြင်းဖြစ်ပါသည်။)
ကြယ်ပွင့်လေးတွေလေ။
ရောက်လာသူအပေါင်းရွှင်လန်းချမ်းမြေ့ ကြပါစေ..ရွှေဝန်းရတနာ..
No comments:
Post a Comment