Friday, August 31, 2012

နယ်မြို့အသီသီးမှလာရောက်သော အိပ်ခ်ျအိုင်ဗီများ အာဟာရလိုအပ်

မြန်မာအင်ဒီပဲန်ဒင့် မီဒီယာများမှတွေဆုံမေမြန်းနေစဉ်။

မြောက်ဥက္ကလာမြို့နယ်၊အာသောကရာမရွှေဟင်္သာရေလယ်စာသင်တိုက်တွင်  နယ်မြို့အသီးသီးမှ အိပ်ခ်ျအိုင်ဗီဝေဒနာသည်များ ဆေးဝါကုသခံယူရန် လာရောက်တည်းခိုးနေထိုင်ကြပြီး ထိုဝေဒနာရှင်များအတွက်အာဟာရနှင့်နွေးထေွးနှစ်သိမ့်မှုများလိုအက်နေကြောင်း ကျောင်းထိုင်ဆရာတော် ဘဒ္ဒ န္တကုဏ္ဍလမှ မြန်မာအင်ဒီပဲန်ဒင့်ကို မိန့်ကြားခဲ့ပါသည်။
အဆိုပါအာသောကရာမရွှေဟင်္သာရေလယ်စာသင်တိုက်တွင်  ၂၀၀၅-၂၀၀၆-ခုနှစ်မှစ၍ အိပ်ခ်ျအိုင်ဗီဝေဒနာသည်များ တည်းခိုနေထိုင်ခဲ့ကြ့ပီး ယင်းဝေဒနာသည်များအား လက်ခံဖြစ်ခဲ့ပုံနှင့်ပတ်သက်၍ ကျောင်းထိုင်ဆရာတော်က"ဒီကျောင်းကို ၂၀၀၅-ခုနှစ် ဇူလိုင် (၁၆)ရက်နေ့မှာကျောင်းစတည်တယ်။ ကျောင်းမှာရေအခက်ခဲ့ရှိတာကြောင့် ရေသွယ်မယ်ဒကာပေါ်လာတယ်။  ကျောင်းကလဲဝေဘာဂီဆေးရုံရှေ့မှာဆိုတော့ ဆေးရုံကလူနာစောင့်တွေက မနက်ဆိုရင်ရေဘူးလေးတွေကိုင်ပြီး ဆင်းလာကြတယ်။ နဂိုတုန်းကရေကတအားရှားတယ်။ရေလာခပ်ရင်း တဖြည်ဖြည် တစ်ယောက်နှင့်တစ်ယောက် စကားပြောရင်း ခင်လာခဲ့တယ်။ အဲဒီအချိန်မှာဘဲ တချို့လူနာတွေက ဆေးရုံကနေဆင်းရတော့မယ်ဆိုတော့ လူနာတစ်ယောက်ဆေးရုံကနေဆင်းရမယ်အချိန်မှာ လူနာကဘယ်လိုမှကောင်းကောင်းလမ်းမလျှောက်နိုင်သေးဘူး။ နယ်ကိုပြန်မယ်ဆိုရင်လူနာတွေက အရမ်းဒုက္ခရောက်တယ်။ ဦးဇင်းတိုကနင်တို့မသွားကြနဲ့ဦး။ ဒီမှာဘဲ  ၄၊၅၊၁၀  ရက်လောက်နေကြပါလို့ နေရင်းနဲ့ပရိသတ်များလာတာဟု မိန့်ကြားခဲ့ပါသည်။
၂၀၀၉-ခုနှစ်တွင်အကြောင်းတစုံတရာကြောင့် ၃ လခန့်ရပ်စဲခဲ့ရပြီ လူနာများအားကျွေးမွေးစောင့်ရှောက်နိုင်ခြင်းမရှိကြောင်း မိန့်ကြားခဲ့ပါသည်။ထိုနောက် ၂၀၁၁-ခုနှစ်တွင် လူနာများပြန်လည်လက်ခံခဲ့ပြီ ကျွေးမွေးစောင့်ရှောက်ခဲ့သည်။ အိပ်ခ်ျအိုင်ဗီဝေဒနာသည်များကို ကျွေးမွေးစောင့်ရှောက်ရာတွင် ကြုံတွေရသောအခက်ခဲ့များကို ကျောင်းထိုင်ဆရာတော်က"တခြားမင်္ဂလာဒုံတို့၊AZGတို့ဆီမှာ ပြတဲ့သူတွေလည်း ဦးဇင်းတို့ဆီမှာတည်းခိုကြတယ်။ ဦးဇင်းတိုက မနက်၊ နေလယ် ၊ညနေ ၃ကြိမ်ကျွေးမွေးတယ်။ဦးဇင်းတိုဆီမှာရန်ပုံငွေမရှိဘူး။ ရှိတဲ့လူနာတွေကိုကျွေးထားတာတခုဘဲ။ ဆေးက သူတို့မှာ အဖွဲစည်းပေါင်းစုံရှိတယ်။ စားစရိတ်ပဲ၊ ဆွမ်းခံကရတဲ့ဆွမ်းနဲ့ ဟင်းကျတော့တနေ့ကို ငွေ ၃၀၀၀(သုံးထောင်ကျပ်)ထုပ်ပြီး ကျန်တဲ့ဟာကို ကျောင်းမှာရှိတဲ့ ဆန်၊ဆီ၊ဆားနဲ့ကျွေးရတယ်။ အာဟာရကတော့မရှိဘူး။ ကိုယ့်စိုက်ခင်းဘဲအားကိုးနေရတယ်။ ၂၀၁၁-ခုနှစ်၊ ဖေဖော်ဝါရီလကစပြီတော့ ဘယ်အလှူရှင်မှ ကောင်းကောင်းမလာသေးဘူး"ဟုမိန့်ကြားခဲ့ပါသည်။
နယ်မြို့လေးတမြို့မှဆေးဝါကုသမှုခံယူရန် လာရောက်တည်းခိုနေသူ ဝေဒနာ၇ှင်တဦးက မိမိတို့ကြုံတွေ့နေရသော အခက်ခဲ့များနှင့် ပတ်သက်၍လည်း" ဒီမှာကနေရတာ အားလုံးအဆင်ပြေပါတယ်။ အမတို့က ဦးဇင်းတို့ကိုအားကိုးနေရတယ်။ အမတို့အဖြစ်က ဦးဇင်းတွေကဆွမ်းခံ၊ ဒကာမတွေကပါစပ်ဟဆိုတဲ့ အဖြစ်မျိုးဖြစ်နေတယ်" ဟုညှုိးငယ်စွာဖြင့်ပြောရှာသည်။
အဆိုပါအာသောကရာမရွှေဟင်္သာရေလယ်စာသင်တိုက်တွင် မြို့နယ် အသီသီးမှ အများဆုံးလာရောက်တည်းခိုနေထိုင်ကြသော ဝေဒနာသည်များဖြစ်ပြီ ၅၀ ကျော်ခန့်ရှိကြောင်း ကျောင်းထိုင်ဆရာတော် ဘဒ္ဒ န္တကုဏ္ဍလမှ မြန်မာအင်ဒီပဲန်ဒင့် ကိုမိန့်ကြာခဲ့ပါသည်။

၁။ နံက်စာတနပ်လျှင်                   ၁၅၀၀၀ကျပ်နှုန်း
၂။နေလယ်စာတနပ်လျှင်              ၂၀၀၀၀ကျပ်နှုန်း   
၃။ညနေစာတနပ်လျှင်             ၂၀၀၀၀ကျပ်နှုန်း      
၎။တနေ့တာအတွက်                 ၅၅၀၀၀ကျပ်နှုန်း         
ဖြင့်၎င်း လာရောက်ဆက်သွယ်လှူဒါန်းနိုင်ပါသည်။
ဆက်သွယ်လှူဒါန်းရန်လိပ်စာ
မြောက်ဥက္ကလာမြို့နယ်
အာသောကရာမရွှေဟင်္သာရေလယ်စာသင်တိုက်
ဝေဘာဂီဆေးရုံရှေ့

လက်ထောက်ဆရာတော်ဦးအဂ္ဂဝံသ 
HPး ၀၉၄၂၀၀၆၄၁၄၅
 ကိုဆန်းဝင်း
HPး ၀၉၄၂၀၀၇၉၈၄၅
မဝါဝါ(သြစတေးလျ)
HPး+၆၁၄၀၄၀၄၃၉၂၉
wawakhin@gmail.com

ရောက်လာသူအပေါင်းရွှင်လန်းချမ်းမြေ့ကြပါစေ.ရွှေဝန်းရတနာ.(၃၁.၅.၁၂)သောကြာ

No comments:

Post a Comment